სერთიფიკატი

:ტრენინგის ანგარიში

ტრენინგის დასახელება : ტრენერთა ტრენინგი თემაზე : „ აფლატუნი-- ბავშვის სოციალური და ფინანსური განათლება“.

ტრენინგის ორგანიზატორი ორგანიზაცია:     ასოციაცია „ ათინათი“.

ტრენინგის ჩატარების თარიღი:  —2015 წლის 1-3 მაისი, ზუგდიდი.

ტრენინგის მონაწილე მასწავლებელი : ლულა ხვიჩავა

ტრენინგის მიზანი :

პროგრამა  „აფლატუნი"   ბავშვთა და ახალგაზრდების სოციალური და ფინანსური განათლება“  მსოფლიოს 95 ქვეყანაშია გავრცელებული და მასში ჩართულია 1 300 000 ბავშვი და ახალგაზრდა. ტრენინგის მიზანია ,6–დან 14 წლამდე მოზარდების ხელშეწყობა  იმ უნარ–ჩვევების ათვისებაში , რაც გულისხმობს საკუთარი თავის შეცნობას, ბავშვისა და მოზარდის უფლებებისა და პასუხისმგებლობების გაცნობიერებას, სხვადასხვა რესურსებისა და ფინანსების დაზოგვას, დაგეგმვასა და ბიუჯეტირებას, სოციალური და ფინანსური პროექტების აგებასა და განხორციელებას. 

დღის წესრიგი:

პირველი დღე

1.ტრენინგის მნიშვნელობის მოკლე მიმოხილვა. //გაცნობის სავარჯიშო//

2.მოლოდინები

3.რა ვიცი აფლატუნზე? // რა მინდა გავიგო? // რა გავიგე აფლატუნზე //

4.ტრადიციული სწავლება // ბავშვზე ორიენტირებული სწავლება // განსხვავებები

5 ტრენინგზე ქცევის ოქროს წესების შემუშავება . // ემბლემები,ხელმოწერები//

 მეორე დღე

1.ენერჯაიზერი

2. აფლატუნის 5 ელემენტი:

1.თვითშეცნობა

2.უფლებები და ვალდებულებები

3. დანაზოგი და ხარჯიანობა

4. დაგეგმვა და ბიუჯეტირება

5. ბავშვის სოციალური და ფინანსური ინიციატივა

3.სავარჯიშოები//პრეზენტაციები//უკუკავშირები

მესამე დღე

1.      ენერჯეიზერი

2.აქტივობები //პრეზენტაციები //უკუკავშირები//

ტრენინგის ძირითადი საკითხები:

 ეს ეფექტური პროგრამა ხუთი კომპონენტისგან შედგება: თვითშემეცნება, ფინანსების დაზოგვა ბიუჯეტირება და დაგეგმვა, ფინანსური და სოციალური მეწარმეობა, საკუთარი უფლებებისა და პასუხისმგებლობების გაცნობიერება.

რა ვისწავლე ამ ტრენინგზე?

 ტრენინგზე  ავითვისე   საკუთარი თავის უკეთ შეცნობის უნარ-ჩვევები, ღრმად ჩავფიქრდი იმაში, თუ რამდენად მისაღებია ის პრინციპები, რაც გამაჩნია.ვფიქრობ , რომ  ჩემი თავის უკეთ შეცნობა  დამეხმარება ჩემი ჭეშმარიტი სურვილებისა და მიზნების გაცნობიერებაში, პირადი შესაძლებლობების გამოვლენაში, საკუთარი ქმედებების შედეგის გაცნობიერებაში,  საკუთარი პოზიციის ჩამოყალიბებაში და დაცვაში.ჩემი უფლებებისა და პასუხისმგებლობების უკეთ გააზრებაში. საზოგადოებრივად სასარგებლო საქმიანობებში მონაწილეობის სურვილის აღძვრაში. ქვეყნის ინტერესების , ტრადიციებისა და ღირებულებების მიმართ საკუთარი პასუხისმგებლობის უკეთ გააზრებაში.მივიღე ინფორმაცია  სოციალური განათლების საკითხებში   რომელიც , როგორც მოქალაქეს დამეხმარება შევიგრძნო სოციალური საკითხების გადაწყვეტაში მონაწილეობის მნიშვნელობა.

       როგორც პროფესიონალს ფინანსურ განათლებაზე მიღებული ცოდნა დამეხმარება დაზოგვის, ბიუჯეტირების და ფინანსურ დაწესებულებასთან ურთიერთობის უნარების გამომუშავებაში. დაგეგმვა და ბიუჯეტირება დამეხმარება ,ასევე,    პროექტების განხორციელებაში,  სკოლის მენეჯმენტის სწორად წარმართვაში. ადამიანები ყოველდღიურად ექცევიან სტრესულ სიტუაციებში, პრობლემები გროვდება და თითოეულის დაძლევა საკმაოდ  რთული და ზოგჯერ კი, შეუძლებელი ხდება.სწორი ქმედებები და წარმატებისთვის დამახასიათებელი სპეციფიური უნარ-ჩვევები მიზნების და წარმატების მიღწევის გარანტიაა და ტრენინგზე  გაჟღერებული  პრობლემური სიტუაციებისა და სტრესული დაძაბულობის დაძლევის მაგალითები   დამეხმარება სტრესის დაძლევაში, პრობლემების გადაჭრაში, წარმატების მიღწევაში,  ჩემს მოსწავლეებთან და კოლეგებთან კარგი ურთიერთობების ჩამოყალიბებაში, ადამიანების პიროვნული ზრდისა და თვითრეალიზაციის ხელშეწყობაში.

რას გამოვიყენებ პრაქტიკაში ?

 ტრენინგზე მიღებული თეორიული ცოდნისა და უნარ-ჩვევების პრაქტიკაში დანერგვის მიზნით  სკოლაში ჩავატარებ ტრენინგებს სხვადასხვა ასაკობრივ ჯგუფებთან. ჩემს მოსწავლეებთან ერთად ვიმუშავებ სასურველ და საინტერესო პროექტებზე და დაფინანსების შემთხვევაში განვახორციელებ მათ. ასევე დავგეგმავთ და განვახორციელებთ სხვადასხვა საქველმოქმედო ღონისძიებებს. ვიზრუნებ სკოლაში არაფორმალური სწავლების ხაზით „ აფლატუნის“ კლუბის ჩამოყალიბებაზე.

  დაგეგმვისა და ბიუჯეტირებისათვის სასარგებლო ხერხების, რეგულარული დაგროვების სარგებლიანობის გათვითცნობიერება დამეხმარება შემოსავლებისა და ხარჯვების დაზოგვაში, იმის გააზრებაში თუ როგორ მივაღწიო ხარჯების მინიმუმამდე დაყვანას. დამეხმარება ასევე იმაში, რომ ვიზრუნო მცირე სოციალური და ფინანსური საწარმოს შექმნასა და მართვაზე. , ახალგაზრდებში სოციალური მეწარმეობის კონცეფციის პოპულარიზაციის მიზნით მოსწავლეთა აქტიურ ჩართვაზე სოციალური მეწარმეობის განვითარების პროცესში.

     ტრენინგზე თვითშემეცნების ანუ რეფლექსიური აზროვნების მნიშვნელობის, ბავშვისა და მოზარდის უფლებებისა და პასუხისმგებლობების კარგად გააზრების შემდგომ ხელს შევუწყობ ჩემს მოსწავლეებს პიროვნულ ზრდასა და თვითრეალიზაციაში, დავეხმარები მათ პრობლემური სიტუაციების გადაწყვეტაში. ტრენინგზე მიღებულ ცოდნას პრობლემური სიტუაციებისა და სტრესული დაძაბულობების დაძლევის, ადამიანებთან ურთიერთობების გაუმჯობესების გზების შესახებ გამოვიყენებ როგორც მოსწავლეებთან , ასევე კოლეგებთან ურთიერთობისას.

                           ვიზრუნებ იმისათვის, რომ ჩემს მოსწავლეებს განუვითარო  მზრუნველობის უნარ-ჩვევები გარემოსა და თემის მიმართ, ასევე შევაჩვიო ისინი განსხვავებული  ადამიანების  პატივისცემისა და ცნობის აღიარებას.

                        

სერთიფიკატი

                                           ტრენინგის      ანგარიში

                                              2013  წლის 29  ოქტომბერი

1.    ტრენინგის დასახელება

სკოლის დირექტორების ტრენინგი

         

         ტრენინგის ჩამტარებელი ორგანიზაცია:

G-FRIED საქართველოს დაწყებითი განათლების პროექტი

         ტრენინგის ჩატარების ადგილი:

ქ.ბათუმი,ხიმშიაშვილის გამზირი 10

         ტრენინგის ხანგრძლივობა:

1 დღე, 8,30.საათი

თემა: სასწავლო პროცესის ხელმძღვანელობა

2.    მიზანი და ამოცანები

         მიზანი:

        დაწყებითი კლასების მოსწავლეების შედეგების გაუმჯობესება კითხვასა და მათემატიკაში.G-PRIED-ს ხელშეწყობა მასწავლებელთა პროფესიული განვითარების ეროვნული ცენტრისთვის დაწყებითი კლასების მასწავლებლებისთვის ინოვაციური ტრენინგ–პროგრამისა და სკოლის ბაზაზე პროფესიული განვითარების დანერგვასა და განხორციელებაში.

        დღის წესრიგი:

10:00–10:30  შესავალი და მისალმება     ქეთი ჩაჩხიანი,მასწავლებელთა პროფესიული განვითარების ხელმძღვანელი

      10:30––11:30 წარმატებული სკოლები და დირექტორები  ქეთი ჩაჩხიანი,მასწავლებელთა პროფესიული განვითარების ხელმძღვანელი

       11:30–11:45 შესვენება

      11:45-12:45 რატომ და როგორ გავაუმჯობესოთ მოსწავლეთა შედეგები მათემატიკაში? პაატა პაპავა, წიგნიერების მიმართულების ხელმძღვანელი.

      12:45––13:45 რატომ და როგორ გავაუმჯობესოთ მოსწავლეთა შედეგები მათემატიკაში? გიორგი ნოზაძე,მათემატიკის მიმართულების ხელმძღვანელი.

     13:45—14:45 ლანჩი

     14:45–15:15 G-PRIED-ის მასწავლებელთა პროფესიული განვითარების მოდელის მიმოხილვა.

         ქეთი ჩაჩხიანი,მასწავლებელთა პროფესიული განვითარების ხელმძღვანელი.

        15.15–16:30  მასწავლებელთა სასწავლო ჯგუფის აქტივობები ქეთი ჩაჩხიანი,მასწავლებელთა პროფესიული განვითარების ხელმძღვანელი.

        16:30–17:00 სასკოლო ვიზიტები და გაკვეთილზე დასწრება ქეთი ჩაჩხიანი,მასწავლებელთა პროფესიული განვითარების ხელმძღვანელი.

       17:00–17:30 მასწავლებელთა მონაწილეობა ტრენინგებში: ლოჯისტიკური საკითხები დაჯილდოება.

        ქეთი ჩაჩხიანი,მასწავლებელთა პროფესიული განვითარების

3.    რეზიუმე

         კურსის შეასავალი    

        ტრენინგის დასაწყისში ტრენერმა  მოკლედ ისაუბრა G-PRIED-ის  პროგრამის შესახებ. მან აღნიშნა , რომ პროექტში საქართველოს მასშტაბით ჩართულია 122 სკოლა.   წარმოგვიდგინა კურსის მიზანი, დღის წესრიგი, გაგვაცნო საორგანიზაციო საკითხები, მუშაობის ფორმები, სამუშაო წესები,    

    

4.    ტრენინგის მნიშვნელოვნების დასაბუთება

              აღნიშნული ტრენინგისას ჩემთვის მნიშვნელოვანი და ახალი იყო ძალიან ბევრი. ტრენერმა ისაუბრა 2006 წლიდან საქართველოს მონაწილეობის შესახებ სხვადასხვა საერთაშორისო შეფასებაში,მათ შორის წიგნიერების საერთაშორისო კვლევასა (PIRLS) და მათემატიკასა და საბუნებისმეტყველო საგნების სწავლისა და სწავლების საერთაშორისო კვლევაში (TIMSS).მან აღნიშნა,რომ აღნიშნული კვლევების შედეგად საქართველო ( PIRLS) -ის კვლევაში ( რომელიც ზომავს 9–10 წლის მოზარდების კითხვის უნარებს) 2006 წელს 45 მონაწილე ქვეყნებიდან 37–ე ადგილზე აღმოჩნდა, ხოლო 2011 წელს  34–ე ადგილზე. ასევე საქართველოს შედეგები TIMSS-ში ( IV კლასი) , რომელშიაც საქართველომ ორჯერ მიიღო მონაწილეობა,2006 და 2011 წლებში იყო შემდეგი: 2006 წ.–43 მონაწილე ქვეყნიდან 37–ე ადგილი: 2011 წ.––50 მონაწილე ქვეყნიდან მე–40 ადგილი. აღნიშნული კვლევების შედეგები ცხადყოფს, რომ საქართველოს სკოლებში  აუცილებელია კითხვისა და მათემატიკის სწავლებისა და მოსწავლეთა მიღწევების  მნიშვნელოვანი გაუმჯობესება.ტრენერმა ხაზი გაუსვა კითხვისა და მათემატიკის საერთაშორისო შეფასების შედეგად გამოკვეთილ ფაქტორებს,რომლებიც გავლენას ახდენს მოსწავლეთა მიღწევებზე კითხვასა და მათემატიკაში.

1.       ოჯახი და მშობელთა ჩართულობა მოსწავლის სწავლის პროცესში.

2.       სასკოლო რესურსები კითხვისა და მათემატიკის სწავლებისთვის.

3.       სკოლის კლიმატი.

4.       მასწავლებელთა მომზადება.

5.       სწავლება.   

 ბატონმა პაატა პაპავამ  /წიგნიერების მიმართულების ხელმძღვანელი/ისაუბრა მოსწავლეთა შედეგების გაუმჯობესებაზე კითხვაში. დაგვისვა დიდი შეკითხვები:

·         რატომ ვსწავლობთ და ვასწავლით კითხვას?

·         რა არის კითხვა?

·         როგორ სწავლობენ ბავშვები კითხვას?

·         როგორ ვასწავლოთ კითხვა?

·         რა გვჭირდება კითხვის სწავლებისათვის?

ბატონმა პაატამ აღნიშნა, რომ ნებისმიერ სხვა უნართან შედარებით ,კითხვის უნარი ყველაზე მეტად განაპირობებს სასწავლო პროგრამის წარმატებით ათვისებას. მოსწავლეთა წარმატებებს კი კითხვაში განაპირობებს:

მოსწავლეთა დამოკიდებულება კითხვის მიმართ;

კითხვის მოტივაცია;

კითხვაში თავდაჯერებულობა;

კითხვის სწავლება–სწავლისთვის გამოყოფილი დრო;

მასწავლებელთა ურთიერთთანამშრომლობა;

მოსწავლეთა აქტიური ჩართულობა სასწავლო პროცესში;

საგაკვეთილო პროცესები;

საკლასო რესურსები;

სასკოლო და საკლასო ბიბლიოთეკები;

კომპიუტერის გამოყენებით ჩატარებული აქტივობები;

სხვა მნიშვნელოვანი ფაქტორები ( კვება,ძილი...)

               ტრენერმა ასევე ისაუბრა ეროვნულ სასწავლო გეგმაში შესულ სიახლეებზე,წიგნიერების გამჭოლ კომპეტენციებზე, კითხვის სტრატეგიების გამოყენებაზე,კითხვის  5 კომპონენტზე, კითხვის სწავლების საბაზისო მოდელებზე ( ინტერაქტიულ და კონსტრუქტიულ მიდგომებზე) ,კითხვის უნარის შეფასებაზე.ნაჩვენები იქნა ფრაგმენტები G-PRIED-ის მეთოდური ფილმებიდან.

                მათემატიკის მიმართულების ხელმძღვანელმა ბატონმა გია ნოზაძემ ისაუბრა თემაზე: რატომ და როგორ გავაუმჯობესოთ მოსწავლეთა შედეგები მათემატიკაში? მან აღნიშნა ,რომ დღევანდელ რეალობაში მოსწავლეებს სულ უფრო და უფრო მეტად სჭირდებათ საფუძვლიანი მათემატიკური და ტექნოლოგიური აზროვნება იმისთვის, რომ ნაყოფიერად წარმართონ საკუთარი ცხოვრება. ასევე ხაზი გაუსვა ეროვნულ სასწავლო გეგმაში გაკეთებულ აქცენტს რაოდენობრივ წიგნიერებაზე, ისაუბრა ინოვაციურ მიდგომებზე, კონსტრუქტივისტულ მეთოდზე, სწავლების სამფაზიან მოდელზე. ნაჩვენები იქნა ფრაგმენტები G-PRIED-ის მეთოდური ფილმებიდან.

 შემდგომ ქალბატონმა ქეთი ჩაჩხიანმა მიმოიხილა G-PRIED-ის პროფესიული განვითარების მოდელი. მისი სამი ძირითადი პრინციპი:

1.      ტრენინგ–პროგრამა;

2.      სასკოლო ვიზიტები და გაკვეთილზე დასწრება;

3.      მასწავლებელთა ჯგუფები.

მასწავლებელთა სასწავლო ჯგუფები ითვალისწინებს პედაგოგების ჩართვას სხვადასხვა აქტივობაში. /სამოდელო გაკვეთილები, ერთობლივი გაკვეთილები, სასწავლო სიტუაციის ანალიზი, გაკვეთილზე ურთიერთდასწრება, მონაცემთა ანალიზი/

ტრენერმა ქეთი ჩაჩხიანმა ასევე ისაუბრა სასკოლო ვიზიტებზე და გაკვეთილზე დასწრებაზე. მან აღნიშნა,რომ სასკოლო ვიზიტი მასწავლებელთა სკოლის  ბაზაზე პროფესიული განვითარების ხელშეწყობის ერთერთი უმნიშვნელოვანესი მექანიზმია. გაკვეთილზე დასწრების მიზანია მასწავლებლის დამატებითი პროფესიული მხარდაჭერა,რათა მან ეფექტურად შეძლოს ტრენინგ–სესიების დროს მიღებული ცოდნისა და უნარების წარმატებით გამოყენება სწავლების ყოველდღიურ პრაქტიკაში.

ტრენინგის დასასრულს ქალბატონმა ქეთიმ გაგვაცნო მასწავლებელთა ტრენინგების ჩატარების გრაფიკი. Dvd პლეიერით დაჯილდოვდა შუახორგის საჯარო სკოლა ტრენინგებში 100 % დასწრების გამო.

             ტრენინგში მონაწილეობამ მომცა სტიმული და გამიზარდა ინოვაციების განხორციელების მოტივაცია.

              აუცილებლად ხელს შევუწყობ მასწავლებელთა სასწავლო ჯგუფების ეფექტურად მუშაობას ჩემს სკოლაში. შევეცდები შევქმნა მათი მუშაობისთვის სათანადო ფიზიკური და სამუშაო გარემო, მოვახდინო სასწავლო ჯგუფებში მასწავლებელთა მუშაობის მონიტორინგი და წავახალისო ისინი.  გამოვიყენებ ტრენინგში ათვისებულ სიახლეებს სასწავლო პროცესში.   ვაპირებ აქტიურად ვიმუშავო მოსწავლეებთან კითხვის ტექნიკის გაუმჯობესებაში ჩემს საგანში და თანამედროვე სტრატეგიების  გამოყენებით გავაძლიერო მოსწავლეებში ინტერესი სწავლისადმი.

             კოლეგებს შევთავაზებ ჩემს მიერ შეძენილი ცოდნისა და უნარების გაზიარებას ტრენინგის სახით, ასევე მოვაწყობ  სასწავლო მეთოდური ფილმების ჩვენებას, რომელიც დაგვირიგდა ტრენინგზე   და დავარწმუნებ, რომ ეს სიახლეები  დანერგონ გაკვეთილებზე მოსწავლეთა სასწავლო პროცესში აქტიურად ჩართვის მიზნით.

სსიპ ზუგდიდის მუნიციპალიტეტის სოფ.ჩხორიის საჯარო სკოლის დირექტორი

/რუსული ენისა და ლიტერატურის მასწავლებელი/

  ლულა ხვიჩავა

 29.10.2013წ.